Қазақстанда басты ұлттық мереке Республика күні аталып өтілуде. Осыған орай Семей қаласындағы көпірасты кеңістігінде Мемлекеттік Туды салтанатты түрде көтеру рәсімі өтті. Іс-шараға 200-ден астам адам қатысты. Олардың қатарында Абай облысының әкімі Нұрлан Ұранхаев, Семей қаласының әкімі Нұрбол Нұрсағатов, облыс және қала депутаттары, қоғам қайраткерлері, жастар бар.
Жиналған қауым оркестрдің сүйемелдеуімен Мемлекеттік әнұранды орындап, мерекеге орай ел Туы көтерілді.
