Баспасөз турын Қазақстан Республикасы Президентінің жанындағы Орталық коммуникациялар қызметі мен Абай облысы әкімдігі жанындағы Өңірлік коммуникациялар қызметі ұйымдастырды. БАҚ өкілдерінің қатысуымен өткен шара облыстың құрылуының бір жылдық мерейтойына орайластырылды.
Баспасөз туры аясында Абай өңірінен келген журналистер Семейден 70 шақырым жерде орналасқан Шүлбі су электр станциясының, Qazaq Astyq Group зауытының, М.Әуезов атындағы педагогикалық колледжінің, IV+ клиникасының, абилитация және оңалту орталығының жұмысымен танысты.
