Өткен жылы ғалымдар Абай облысындағы Бозай қорғандарында қазба жүргізген. Нәтижесінде сақ қорғандарының бірінен алтын адам киімінің фрагменттері анықталған. Өкінішке қарай, қорым бұрын тоналған болып шықты. Ондағы қымбат металдан жасалған ірі-ірі бұйымдар қолды болған көрінеді. Ғалымдардың қолына содан қалған ұсақ алтын моншақтар, аң бейнесіндегі және өзге де әшекейлер түскен. Одан бөлек археологтар бұған дейін белгісіз болып келген 100-ге тарта түркі, ерте темір дәуіріндегі ескерткіштерді анықтаған. Енді ол жерлерге де жаңа экспедиция ұйымдастырылмақ.
Ғани Омаров, археолог-ғалым:
Елең еткізетін жаңалық деп айтуға болады. Бұл сонау сақ дәуірінің ақсүйектерінің бірі жатқандығы анықталды. Алтын заттар көптеп ұшырасты. Өте бір ыждаһаттылықпен жасалынған. Зергерліктің бір керемет туындылары.
