Айта кетейік, былтыр «Тұтынушылардың құқықтарын қорғау туралы» ҚР заңына өзгерістер енгізу туралы заң жобасы әзірленді.
Заң жобасы қолданысқа енгізілгеннен кейін тұтынушылардың құқығын қорғау саласында жаңа формалар енгізіледі. Бұл салада үкіметтік емес ұйымдардың мәртебесі артып, «Тұтынушылардың ұлттық қауымдастығы» пайда болады, дегенді тілге тиек етеді мамандар.
Егер кәсіпкер тұтынушымен туындаған дауды сотқа дейінгі тәсілдер арқылы шешпей, іс сотқа тапсырылып, сот шешімі кәсіпкерді кінәлі деп табатын болса, кәсіпкерге заңда көрсетілген жауапкершіліктен бөлек, тұтынушыға келтірілген шығын көлеміне орай 10-50 пайыздық мөлшерде айыппұл салынады. Бұл айыппұл істі сотқа дейін жеткізген қоғамдық ұйымның есебіне аударылады.
Сонымен қатар тұтынушыладың құқығын қорғау мақсатында омбудсмен институты енгізілмек.
Қоса кетейік, ҚР Денсаулық сақтау министрлігінің бұйрығымен бекітілген медициналық препараттар; іш киімдер; өлшеніп сатылатын тауарлар және мобильді байланыс құралдары қайтаруға жатпайды.
