USD468.98EUR493.74RUB7.59

Семей қаласының орталық алаңында мұз айдыны орнатылады

15 қараша 2022, 12:19
Семей қаласының орталық алаңын абаттандыру жоспарлануда. Желтоқсан айында бос аумақта мұз айдыны, мұз қалашығы, лабиринт салынып, фаст-фуд пен ыстық сусындар бар павильондар жұмыс істейтін болады.
Семей қаласының орталық алаңында мұз айдыны орнатылады

Мұхамедханов пен Қозбағаров көшелерінің арасындағы алаңда Абай көшесіне жақын жерде қысқы қоғамдық кеңістік ашылады. Фуд- корт аймағы арқылы мұз қалашығына баруға болады, онда ерекше мұз фигуралары жасалады. Қолданыстағы субұрқақ кешенінің айналасында мұз айдыны пайда болады, онда кешке де ашық ауада демалу және спорт үшін конькилерді жалға алуға болады. Мұнда арнайы тақырыптық жарықтандыру қарастырылады.

Театр ғимаратына жақын жерде мұз лабиринті жасалады.

Желтоқсан айының ортасына қарай алаңның қақ ортасында үлкен түрлі-түстегі шырша орнатылады.

Бүкіл қоғамдық кеңістікте павильондар орнату жоспарлануда. Онда ыстық шай мен кофе ішіп, жылынып алуға мүмкіндік қарастырылған.

«Біз қыркүйек айында аспалы көпірдің астындағы алғашқы қоғамдық кеңістікті ашқанда, қысқы қоғамдық кеңістіктер құру жоспарлары туралы айттым. Бұл Семей қаласының, Абай облысының тұрғындары мен қонақтары таза ауада коньки тебуге, мұз қалашықтарында суретке түсуге, жаңа жылдық, ертегі атмосфераға енуге мүмкіндік береді. Әкімдік алдындағы алаң жай ғана бос тұр. Бірақ жақын арада бұл аймақ халықтың көп шоғырланған орны болып, белсенділік пен бұқаралық спорттың аумағына да айналады», - деп атап өтті Абай облысының әкімі Нұрлан Ұранхаев.

Кешкі уақытта бүкіл қала шамдармен әдемі жарықтандырылады деп жоспарлануда, ал жаңа жылдық атрибутика ертегі атмосферасын сезінуге мүмкіндік береді.

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

01 желтоқсан 2022, 16:07
01 желтоқсан 2022, 15:37
ТОО «Ертіс өнірі»
Республикаға тарайтын апталық газет
© 2007—2022
Яндекс.Метрика
Әрленім және құрастыру
SemStar