USD460.43EUR501.04RUB6.65

Нұрлан Ұранхаев қоғамдық кеңес мүшелерімен кездесті

09 қараша 2022, 18:26
Облыс әкімі жүргізіліп жатқан жұмыстар туралы айтып, жоспарларымен бөлісіп, қоғам қайраткерлерінің сұрақтарына жауап берді.
Нұрлан Ұранхаев қоғамдық кеңес мүшелерімен кездесті

Аймақ басшысы Абай облысының кешенді жоспарына да тоқталды.

«Біздің қаламызда 30 қыркүйекте болған Мемлекет басшысы бірқатар тапсырмалар берді, оның ішінде Абай облысының 2023-2025 жылдарға арналған кешенді даму жоспарын әзірлеу де бар. Бұл облыс өмірінің барлық салаларына қатысты ауқымды бағдарлама.

Басқалармен қатар, жоспарда құны 300 миллиардқа жуық «Аягөз-Бақты» темір жолының құрылысы, жаңа ЖЭО, әлеуметтік нысандар (мектептер мен ауруханалар), мұз сарайы, конгресс-холл салу көзделген», - деп түсіндірді өңір басшысы Нұрлан Ұранхаев Қоғамдық кеңес өкілдеріне.

Қоғам белсенділері әкіммен өңірдің өзекті мәселелеріне қатысты өз көзқарастарымен бөлісті. Мысалы: газдандыру мәселесі, ол Абай облысы мен ШҚО бөлінгеннен кейін қайта қарауды талап етеді.

Қоғамдық кеңестің мүшесі Қайрат Смағұлов жер қойнауын пайдаланушыларды салықтық тіркеу мәселесін көтерді. Өйткені, Абай облысының аумағында орналасқан кен орындарын игеріп жатқан көптеген компаниялар басқа өңірлерде ресми түрде тіркелген. Сондай-ақ, өңірде ғылыми-зерттеу институттарын құру мүмкіндігін қарастыру туралы ұсыныс айтылды.

«Әлем тез өзгеруде, бәсекеге қабілетті болу үшін жаңа технологиялар мен инновациялық ұсыныстар қажет, бұл ғылымсыз мүмкін емес», - деп атап өтті Шәкәрім университетінің ректоры Бауыржан Ердембеков.

Ал Қоғамдық кеңес мүшесі Николай Исаев облыс орталығы мен ауылдық жерлердегі қоғамдық көлік мәселесін көтерді.

«Әлеуметтік бағыттар субсидиялануы керек. Бірақ аудандық бюджеттерде бұл үшін қаражат әрдайым жеткіліксіз. Қазіргі уақытта Семейдегі тасымалдау жүйесі шешілуде, біз автобустарды толықтай электрондық билет жүйесіне енгізуге қол жеткізіп жатырмыз. Бұл басты мәселе: қоғамдық көлікті субсидиялау үшін біз нақты жолаушылардың санын да, әлеуметтік категорияларды да нақты білуіміз керек.Сонымен қатар, біздің тілектеріміз әрқашан біздің мүмкіндіктерімізге сәйкес келе бермейді. Бізге 3,1 млрд. теңге қарыз мұра ретінде берілді. Соңғы уақытта біз оның 500 млн. теңгесін көмірге бердік, дегенмен бұл ақша пайдалы істерге, субсидиялауға жұмсалуы мүмкін», - деп атап өтті Нұрлан Ұранхаев.

Кездесуге қатысушылар аймақ өмірінің басқа да мәселелерін талқылады: құрылыс, жол жөндеу, агроөнеркәсіптік кешенді дамыту және тағы басқалар. Қоғамдық кеңес мүшелері облыстың белгіленген жоспарларын іске асыруға жәрдемдесуге дайын екендіктерін атап өтті.

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

26 қаңтар 2023, 16:18
25 қаңтар 2023, 12:39
ТОО «Ертіс өнірі»
Республикаға тарайтын апталық газет
© 2007—2023
Яндекс.Метрика
Әрленім және құрастыру
SemStar