USD448.56EUR478.03RUB4.79

Облыс әкімі Нұрлан Уранхаев Зейнолла Тоқаевты мерейтойымен құттықтады

21 қазан 2022, 16:24
Семей зоотехникалық-малдәрігерлік институтының 70 жылдығына және ветеринария ғылымдарының докторы, профессор, ҚР білім беру ісінің құрметті қызметкері Зейнолла Тоқаев 80 жасқа толуына орай Семейде «Қазақстан Республикасы агроөнеркәсіп кешенінің индустриалды-инновациялық дамуының жағдайы мен келешегі» атты конференция өтуде.
Облыс әкімі Нұрлан Уранхаев Зейнолла Тоқаевты мерейтойымен құттықтады

Оған Абай облысының әкімі Нұрлан Ұранхаев қатысып, мерейтой иесін құттықтады.

Нұрлан Ұранхаев - Абай облысының әкімі:

«Отандық ғылымда өзіндік қолтаңбасы бар ғалым ағамызға арнап, халықаралық конференцияда бас қосып отырмыз.

Бұл - шәкірт боп келіп, ғылымның төрінен орын алған Зейнолла Қалымбекұлы Тоқаевқа жасалған ерекше құрмет белгісі!

Біз Ағаға қарап, бой түзейміз. Ой түзейміз. Себебі, ерте жастан еңбекке араласып, саналы ғұмырын ғылым мен қоғамға арнаған Зейнолла Қалымбекұлының парасат жолы баршамызға үлгі, өнеге!

Ол білім мен ғылымның шыңына қайтпас қайсар мінезімен, ақыл-ой, тынымсыз ізденіспен жетті. Соңынан шәкірт ертті. Талай азаматты "өмір бәйгесіне" қосты. Көптеген игі істерге мұрындық болып, жаңа бастамаларға себепші болды.

Дана халқымызда «Алты Алаштың баласы бас қосқан жерде ең қадірлі орын – ұстаздікі» деген ұлағатты сөз бар.

Ізіңізді жалғар көптеген шәкірттер, еліміздің түкпір-түкпірінде Отан үшін адал қызмет етуде. Бұны ұстаздың ең үлкен жеңісі мен жемісі десек, Сіздің мерейіңіз үстем, құрметті Зейнолла Қалымбекұлы!

Осындай айтулы күні, өзіңіз бен отбасыңызға мықты денсаулық, амандық, береке-бірлік тілеймін!»

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar